එළැඹෙන බටහිර ඉන්දීය කොදෙව් ටෙස්ට් තරගවලියෙන් පසු ශ්‍රී ලංකා ක්‍රිකට් කණ්ඩායමේ ප්‍රධාන පුහුණුකරු මිකී ආතර්ගේ සේවා කාලය අවසන් වේ. ඒ බව ඔහු නිවේදනයක් නිකුත් කරමින් ද පවසා සිටියහ.
ඒ අනුව මිකී ආතර්ගේ නික්ම යෑමෙන් පසුව ඒ සදහා මහේල ජයවර්ධන පත් කරන බවට ශ්‍රී ලංකා ක්‍රිකට් ආයතනය සදහන් කර තිබේ. ඔහුගේ කාර්යභාරය වනුයේ ප්‍රධාන පුහුණුකරු දුරය නොව උපදේශක පුහුණුරුවෙකුගේ කාර්යභාරය ය.
එසේම ශ්‍රී ලංකා කණ්ඩායමේ හිටපු ක්‍රීඩකයන් කිහිපදෙනෙකුම මහේල ජයවර්ධන සමග උපදේශක තනතුර සඳහා පත් කිරීමට යෝජනා වී තිබේ. මෑතකදී විශ්‍රාම ගිය ලසිත් මාලිංග, නුවන් කුලසේකර, රංගන හේරත්ය.
තවද මහේල ශ්‍රී ලංකා ජාතික කණ්ඩායම, ශ්‍රී ලංකා U 19 කණ්ඩායම, සමග කටයුතු කරන අතර මුම්බායි ඉන්දියන් සහ සදර්න් බ්‍රේව් කණ්ඩායම සමගද කටයුතු කිරීමට ඔහුට අවස්ථාව ලබා දෙන බවට දක්වා තිබේ.
ජේෂ්ඨ කණ්ඩායම සමග වැඩි කාලයක් ගත කරනවාට වඩා බිම් මට්ටමේ කණ්ඩායම් ( ශ්‍රී ලංකා U 19 කණ්ඩායම) සංවර්ධනය කිරීම වැදගත් අංගයක් බව මහේල ශ්‍රී ලංකා ක්‍රිකට් කමිටුවට දන්වා ඇති බව සදහන් වනවා.