ශ්‍රී ලංකා එක්දින සහා විස්සයි විස්ස නායක දසුන් ශානක තම කණ්ඩායමේ පුහුණුවීම් තවත් වැඩි කරන ලෙස මීට දින කිහිපයට පෙර ශ්‍රී ලංකා ක්‍රිකට් ආයතනයෙන් ඉල්ලීම්ක් සිදුකොට තිබුණි.
මෙහිදී තමන්ට සහ තම කණ්ඩායමේ පුහුණුවීම් තවත් වැඩි කරන ලෙසට සහ පන්දුව පැයට කිලෝමීටර 145ට වඩා වේගයෙන් පන්දුව විසි කළ හැකි පන්දු විසි කරන්නන් දෙදෙනකු හෝ ලබා දෙන ලෙස දසුන් ශ්‍රී ලංකා ක්‍රිකට් ආයතනයෙන් ඉල්ලා සිටියේය.
එමෙන්ම විස්සයි විස්ස තරඟ රටාවේදී සහ එක්දින තරඟ වලදි අවසන් පන්දුවාර තුළ වේගයෙන් පන්දුවට පහරදීමට අවශ්‍ය පුහුණුවිම් වැඩි කරන ලෙස ද දසුන් ශානක ක්‍රිකට් ආයතනයෙන් ඉල්ලා සිටියා.
මෙම ඉල්ලීම්වලට සුබවාදී ප්‍රතිචාරයක් ලබාදෙමින් ශ්‍රී ලංකා ක්‍රිකට් ආයතනය මේ වනවිට ඉන්දීය ප්‍රිමියර් ලිග් තරගාවලියේ කොල්කටා නටිට් රයිඩර් කණ්ඩායමේ ප්‍රධාන පුහුණුකරු ලෙස කටයුතු කරන හිටපු නවසීලන්ත නායක බ්‍රෙන්ඩන් මැකලම් ශ්‍රී ලංකා ක්‍රිකට් පිතිකරණ උපදේශකයෙකු ලෙස එක්කර ගැනීමට සාකච්ඡා අරඹා ඇති බවට ආරංචි මාර්ග සඳහන් කරයි.
